Bestelako kantak

Aita-semeak

Aita-semeak tabernan daude
ama eta alaba jokoan,
berriro ere ez da faltako 
trapu zaharrik kakoan.

Berriro ere ez da faltako 
trapu zaharrik kakoan.
Berriro ere ikusiko da
txarri gizena auzoan.

Aldapeko

Aldapeko sagarraren 
adarraren puntan,
puntaren puntan,
txoria dago abeslari.

Txiruliruli,
txiruliruli,
nork dantzatuko ete dau 
soinutxu hori? 

Amerika eta Frantzian

Amerika eta Frantzian
ez naz ondo ibili.
Un ingles, yes, yes,
un francés, oui, oui.
Harrapatu harrapatu, 
Le parle vous.

Amets, amets egin

Amets, amets egin
itsasgizona,
amets, zure ametsa
gerta leiteke eta.

Barriz etorriko zara
Ondarruko kalera.
Han daukazu maitea
itxaroten dozuna.

Barriz etorriko zara
Ondarruko kalera.
Han daukazu maitea
ta bihotza.
Han daukazu maitea
eta bihotza.

Ardaoa edanda

Ardaoa edanda 
mozkortzen naz,
pipia erreta 
zoratzen naz,
kortejatzean 
lotsatzen naz,
nola demontre 
biziko naz. 

Basatxoritxu

Basatxoritxu musturluzea
ez joan zerura bila.
Aingerutxurik behar ezkero,
hara hor nire mutila. 

Bat, bat, bat

Bat, bat, bat,
bat parrandan ibili,
bat parrandan ibili.
Bi, bi, bi,
ez naz ondo ibili,
ez naz ondo ibili.
Hiru, hiru, hiru,
kolkoa bete diru,
kolkoa bete diru.
Lau, lau, lau,
sardina makailao.

Anteron txamarrotia,
Sinkerren bibotea,
harexek ei dauka ei dauka
preso tximinoia.

Anteron txamarrotia,
Sinkerren bibotea,
harexek ei dauka 
preso tximinoia. (bis) 

Donostiako herri txikian

Donostiako herri txikian,
erdian plaza zabala.
Alargun batek izan zituan,
ederrak hiru alaba.

Eskatu neutsan kontzientziagaz,
hiruretatik zaharrena.
Alargun horrek kontestau eustan,
ni mutil pobrea nazala.

Ni mutil pobrea banaz bere,
zu panaderuaren alaba.
Ogi berotan jango zeunkez,
zure aitaren eta amaren jornala.

Edurra teilatuan

Edurra teilatuan
zakua lepoan,
ibili beharko dogu
aurtengo neguan. Riau!
Riau riau riau 
rapataplau.
Riau riau riau 
rapataplau.

Hau dok umorea.
Itxi alde batera 
euskaldun jentea.
Riau riau riau 
rapataplau.
Riau riau riau 
rapataplau.
Hau dok umorea.
Itxi alde batera 
euskaldun jentea.

Habanara yoan nintzan

Habanara joan nintzan
zentimorik gabe.
Handik etorri nintzan, maitia,
bost milioiren jabe.

Txintxin-txintxin 
diruaren hotsa.
Harexek emoten deust, maitia,
bihotzean poza (bis) 

Hor dator bapora

Hor dator bapora
hiru palukoa,
haren gainean 
arrantzalea.

Aitita San Anton,
amama Mari Anton,
cabeza de melón.
Zure nobiotxua
Emeteriotxu. 

Horra hor goiko

Horra hor goiko 
harestitxu baten
kukuak kumiak 
egin dozak aurten,
kukuak egin, 
amilotxak jan
haxe bere kukuaren 
zoritxarra zan.

Lalalaralala…

Isil-isilik

Isil-isilik dago
plaia barrenian
ontzi zuri polita
uraren ganian. (bis)

Zergaitik, zergaitik, 
zergaitik, zergaitik, 
zergaitik negar egin?
Zeruan izarra dago
itsaso aldetik.

Jazintoren eta Simonaren kanta

Mungian pasau dala 
barrabaskeria, 
barrabaskeria, 
barrabaskeria.

Jazinto eta Simona 
hasarratu dira,
hasarratu dira, 
hasarratu dira.

Simonak esan deutso, 
ai Jazintori,
ai Jazintori, 
ai Jazintori:

─Bizkaitarra ez bazara, 
ez nigaz etorri.

Jazintok esan deutso 
ai Simonari,
ai Simonari, 
ai Simonari:

─Ni baino gurago dozu 
zeure banderori,
zeure banderori,
zeure banderori edo
─Zuri baino gurau deutsat 
nire bandereari.

Domingok esan deutso, 
ai Jazintori,
ai Jazintori, 
ai Jazintori.

─Ondo probetxau deutsazu 
neska muturrari.

Katalintxu

Katalintxu lora ederra,
ze klabelina fina,
atxinatik daukat zuretzat
bihotzeko mina.

Bihotzeko min hori
daukadan ezkero,
ezin dot egin lorik
ametsetan baino. 

Mahatsaren orpotik

Mahatsaren orpotik dator
mama gozoa, mama gozoa
edango neukeela
beterik basua, klink!
beterik basua.

Nik zuri, zuk niri,
biok eginaz alkarri,
basua txit garbi
beharko dogu ipini.

Maritxu, nora zoaz

−Maritxu, nora zoaz,
eder galantori?
−Iturrira, Bartolo,
nahi badozu etorri.

−Iturrian zer dago?
−Ardaotxu zuria.
−Biok edango dogu
nahi dogun guztia.

Salamankara

Txikitxutatik aitak eta amak
fraile ninduen nonbratu,
estudioak ikasten bere
Salamankara bialdu.

Salamankara ninoiala,
bidean neban pentsatu
estudiante pikaro baino,
hoba ninduan ezkondu.

Ezkondu nintzan, ezkondu baina,
bai niri sarri damutu,
praka baltzetan hari zuria,
ez jat niri inoiz faltatu. 

Zezenak dira

Dira dira 
zezenak dira
adar zorrotzak, 
buztana motza,
harrapatzen bazaitu,
harrapatzen bazaitu,
bertan bertan 
hilko zaitu.