Urtaroak
Lau dira urtaroak: udaberria, uda, udagoiena eta negua.
Uda da urtarorik beroena eta lehorrena; negua, ostera, sasoirik hotzena da. Udagoiena eta udaberria epelak izaten dira; ez hotzegiak, ez beroegiak.
Udan eguna luzea da eta gaua laburra; neguan gaua da nagusi.
Udaberrian...
Txangoak egiten ditugu
Girgiluak kantatzen hasten dira
Elaiak datoz
Udan...
Bainatu egiten gara
Izozkiak jaten ditugu
Txupinazoa
Txitxiburruntzia egiten dugu
Udagoienean...
Orriak gorritu eta jausi egiten dira
Uzta batzen dugu
Gaztainak heltzen dira
Onddoak eta perretxikoak irteten dira
Neguan...
Batzuetan elurra egiten du
Zuhaitzak biluzik daude
Arropa lodiak janzten ditugu
Karnabalak ospatzen ditugu
Errezitatuak
Urteberriko errezitatua
Urtebarri txarri-belarri
daukanak ez daukanari,
nik ez daukat
eta niri.
Ezpabere mailutxuagaz
haginak hausi, kiski-kauski.
San Juan eguneko errezitatua
Gaur dala, bihar dala Doniene,
etzi San Juan biharamona,
gure soloan sugerik ez,
badagoz bere erre beitez.
San Juan bagileko
denpora ederreko
zapoak eta sugeak erre,
artoak eta gariak gorde.
Gora San Juan!
Urtaro bakoitzean jaiegun desberdinak
Gabon gaua
Basaratoste
Erregenak
San Antontxu
Santa Ageda
Karnabalak edo inauteriak
San Juan
San Pedro
San Migel