Atzo goizean
Atzo goizean goiz jagi nintzan,
birigarroa goizago,
birigarroaren kanta soinuan,
lo egiten dogu gozaro.
Eperrak kantatzen dau
goizean bostetan,
ez egon neskatilak
mutilen pentzutan. Audioa
Binbili, Bonbolo
Binbili bonbolo, zein da lo?
akerra Frantzian balego,
akerrak kanta, idiak dantza,
eta ahuntzak danbolina jo.
Haurtxo txikia
Haurtxo txikia/polita sehaskan dago
zapi txuritan txit bero.
Amonak dio, ene potxolo,
arren, egizu lo, lo, lo.
Txakur handia etorriko da
zuk ez baduzu egiten lo.
Horregatik, ba, ene potxolo,
arren, egizu lo, lo, lo.
Laztanen portalean
Laztanen portalean,
arbola eder bi,
bata da laranjea
bestea madari.
Larrosatxuak bost orri daukaz,
krabelineak hamabi.
Gure umeak gura dauana,
eskatu beio amari.
Lo, lo, lo
–Lo, lo, lo, lo. Aingerua,
zeruan zer barri? (bis)
–Zeruan barri onak
orain eta beti. (bis)
–Goiz eta gau, zelan bizi da
han goiko herria? (bis)
–Han ez da goiz ez gaurik,
beti da eguerdi. (bis)
–Eguerdi hain luzean,
zer dozu egiten? (bis)
–Aingeru barrientzat
hegoak eihoten. (bis)
–Aingeru barri horreek
non sartu ohi jatzuz? (bis)
–Lurreko sehasketan
begiz joten doguz. (bis)
Loa, loa txutxurrunberde
Loa, loa txutxurrunberde
loa, loa masusta.
Aita gurea Gasteizen da
ama mandoan hartuta.
Loa, loa txutxurrunberde
loa, loa masusta.
Loa, loa txutxurrunberde
loa, loa masusta.
Aita gurea abiatu da
Bitoriako ferira.
Loa, loa txutxurrunberde
loa, loa masusta.
Lolotxu aingerua 1
−Lolotxu aingerua,
zeruan ze barri?
−Zeruan barri onak
orain eta beti.
Lolotxu aingerua 2
−Lolotxu aingerua,
zeruan ze barri?
−Zeruan barri onak
orain eta beti.
−Maria betiko,
Maria nortako.
−Astoaren berbak
ez dira inorentzako.
Oababatxua lo eta lo
Obabatxua lo eta lo,
ez eizu egin lorik basoan,
lukiren batek jan ez zaizan,
oiloa zaralakoan.
Lobatxua lo eginaz,
zu zara gure tanbolina.
Tanbolina eta gaitea,
zu zara nire maitea.
Obabatxua lo tirintañe
Obabatxua lo tirintañe
ez egin lorik basoan,
lukiren batek jan ez zagizan
oiloa zarealakoan.
Obabatxua lo eta lo
zuk orain eta nik gero,
zuk gura dozun orduren baten
biok egingo dogu lo.
Obabatxua akerra jantzan,
astoa bibolin joten,
azagaria suari puzka,
erbia uruna eralten.
Seintxu txikerra
Seintxu txikerra negarrez dago,
ama, emon egiozu titia.
Aita hordia tabernan dago,
pikaro jokalaria.
Txikitxu politori 1
–Txikitxu politori,
norena zara zu?
–Zurea izango naz
zeuk gura banauzu.
Txikitxu politori 2
−Txikitxu politori,
norena zara zu?
−Aitarena eta amarena,
Jangoikoarena.
Txikitxu politori 3
−Txikitxu politori,
zer dozu merezi?
−Errekan berotu eta
galdaran egosi.
−Galdaran egosi eta
harrian golpe bi.
−Harrian golpe bi eta
kakoan eskegi.