Aintzaldu 1
Aintzaldu daigun Agate Deuna,
bihar da ba Deun Agate,
etxe honetan zorion hutsa
beti eukiko ahal dabe.
Deuna Agaterena batzeko gatoz,
aurten igazko berberak,
ondo hartu gagizuez eta
zabaldu zuen sakelak.
Etxe honetako nagusiak,
urrezkoa dau bihotza,
borondatez dauz esku beteak
guretzat baita on-ona.
Mungiakoak gara gu,
ikasle neska-mutilak,
apaltasunez gabiltza eta
ontzat hartu eskaria.
Orain bagoaz hemendik eta,
eskerrik asko danori,
agur hurrengora artean eta
osasun onagaz bizi.
Aintzaldu 2
Aintzaldu daigun Agate Deuna,
bihar da ba Deun Agate,
etxe honetan zorion hutsa
betiko eukiko ahal dabe.
Etxe honetako nagusi jaunak,
urrezkoa dau bihotza…
Udabarrian urteten dabe,
erreka alboan bitxiek/munatxuetan loreak.
Hareek baino politagoak dira
Maritxu zure begiak.
Alkate jaunagaz egonda gatoz
Alkate jaunagaz egonda gatoz,
atzoko arratsaldean.
alkate jaunak agindu deusku,
ibiltzeko bakean.
Ez bagabilz bakean,
geure buruaren kaltean,
Alkate jaunak sartuko gaitu,
kartzela ilun batean.
Kartzela ilun batean edo,
gaur urtebetera artean.
Gaur urtebetera artean edo,
bertan usteldu artean.
Gauza bat itzelgarria
Gauza bat itzelgarria,
dakargu Santa barria.
Horretarako behar dogu guk,
boltsea oso lodia.
Hemengo etxeko andrea
Hemengo etxeko andrea,
etxe oneko alaba.
Hortxe goian esango dogu,
zelan zan limosnade ona.
Udabarrian urteten dabe
Udabarrian urteten dabe,
erreka alboan bitxiek/munatxuetan loreak.
Hareexek baino politagoak dira
Maritxu, zure begiak.
Larrosatxuak bost orri daukaz,
klabelineak hamabi.
Gure Maritxu gura dauanak
eskatu dagiola amari.