Eperterre edo epertikara
Geldi egon ezin dena..
Mikel eperterre galanta izan da, ezin minutu batean ere geldi egon.
Eragin
Asko mugitzen den umea..
Ume eragin honek urduri jartzen nau.
Erkin
Pertsona argala, eskasa, ahula..
Txakur txiki erkin bat dauka, ez dakit zer ematen dion jaten.
Ermita
Mendian edo auzoetan dauden eliza txikiak..
Gure auzoan San Lorentzo ospatzen dugu ermitan.
Errabi jantzi
Mozorrotu..
Aurtengo aratusteetan lagun guztiak errabi jantziko gara.
Erretxin
Beti eta denagatik protestan ari dena..
Zurekin ez dago asmatzerik, erretxin hutsa zara.
Errondan ibili
Kantari taldea etxerik etxe kantuan eta eskean ibiltzea..
Santa Ageda egunean, urtero, ibiltzen gara herri osoan errondan.
Eskulan
Eskuz egiten diren lanak..
Eskolan papera erabilita eskulan oso politak egiten ditugu.
Etxe-bautizo
Urgentziaz etxean egiten den bataioari esaten zaio..
Umea makalik jaio zenez, etxe-bautizoa egitea erabaki zuten.
Etzi
Bihar igarota hurrengo eguna..
Ikasi egin behar dut, etzi azterketa daukat eta.