Garo
Inontza, ihintza. Goizaldean landareetan eta belarretan agertzen diren ur-tanta txikiak..
Gauean fresko egon da, antza, garoa dago eta.
Garratz
Mingotsa..
Laranjak zenbat eta garratzago gustukoagoak ditu.
Gaztelu
Harrizko eraikina, dorreak eta babes-hormak izaten ditu..
Arteagako gaztelua hotel bihurtuta dago.
Ginarra
Erratza, lurra garbitzekoa..
Kaleak garbitzeko makinak daude, baina atzetik ginarra pasatu behar da.
Girgilu
Kilkerra. .
Girgiluak harrapatzeko albitz-belarra erabiltzen dugu.
Goitibehera
Umeen jostailuzko ibilgailua, aldatsak jaisteko..
Lehenago jaietan goitibehera-lasterketa egiten zen. A zer tramankuluak ikusten ziren!
Gorosti
Hosto arantzadunak eta fruitu gorri txikitxuak dituen zuhaitza..
Gabonetan gorostia ipintzen dugu etxean apainduta.
Hagin artean berba egin
Marmarrean, ulertu ezinik..
Esan beharrekoa esan ezazu, hagin artean berbaz ibili barik!
Hamarretako, hamaiketako
Goiz erdiko jatordua..
Beharlekuan egunero egiten dugu hamaiketakoa.
Hanka
Ibiltzeko erabiltzen ditugun gorputz-atalak..
Bizikletatik jausi eta hankan hartu du kolpea.